यथास्थितिमा रहने दलहरुको चरित्र

www.facebook.com

 यथास्थितिमा रहने दलहरुको चरित्र

 राजनीतिक दलहरु घोषित रुपमा एउटा कुरा भन्छन् तर व्यवहारमा अर्कै कुरा गर्दछन् ।  यसो हुनुको प्रमुख कारण प्रत्येक पार्टीको अन्तरनीहित जातिय संरचना र एजेण्डा छन् ।

 प्रायःजसो रानीतिक दलहरु कुनवावादले ग्रस्त भएको देखाउंछ । पार्टीको नीति र नेतृत्वमा आफ्नो नाता पर्ने वा जात वाहेक अन्य कसैलाई पनि सजिलै पुग्न नदिने असमान र अन्यायपुर्ण मापदण्डहरु राखिएका छन् ।

 अरु सबैलाई लोकतान्त्रिक देख्न चाहने राजनीतिक दलहरु आफुलाई नियमकानुन र नैतिकताको घेराभन्दा माथि राखेका छन् । सबै क्षेत्र, समुदाय र लिङ्घवाट मत प्राप्त गर्ने राष्ट्रिय स्तरका दलहरुको सामाजिक आधार वृहत भएपनि ती दलहरुका नेतृत्वको जातिय आधार निकै सांघुरो छ । ठुला दलहरुको नेतृत्वमा प्रायःजसो वाहुन समुदायले कब्जा जमाएर बसेका छन् ।

 दलहरुमा आन्तरीक लोकतन्त्र समाप्तप्रायः छ अर्थात् आवधिक निर्वाचन र पार्टीका सबै संयन्त्रहरुको नियमित बैठक गर्ने लोकतान्त्रिक परिपाटी पालना भईरहेको छैन । नेतृत्वको दयामाया र निगाहको परिपाटी सहनुपरिरहेको गुनासो स्वयं ती दलका कार्यकर्ताहरुले गरिरहेका छन् ।